Deustun ibili zineneko pasadizoak eta Unibertsitateko oroipenak
Beti gustatu izan zait Unibertsitateko alderik zaharrena, patio eta klaustro horiek, zutabeak, pasabide txikiak, kapera ezkuturen bat, Paraninfoa… dena iruditzen zitzaidan bikaina eta dotorea, eta bene-benetan sentitzen nuen leku pribilegiatuan nengoela. Baina bunker aurrefabrikaturen batean ere egon naiz!
Han lagunak egin nituen, oraindik ere lagun ditudanak eta maiz egoten naiz haiekin, lagun handiak. Eta oraindik ere gogoratzen dut haiekin batera bizi izandako garai garrantzitsu hura.
Nire garaian, oraindik jasotzen genituen noten paperak eta, horretarako, ilara egiten genuen bedelaren bulegoan. Hark zure izen-abizenak bilatzen zituen. Hortik iragarki-tauletan zintzilikatutako notak ikustera pasatu ginen, askotan orri grapatu batzuk, banan-banan ikusteko modua ematen zutenak. Beti zen tentsio handiko une bat, ezinbestean ‘jendaurrean’ bizi behar zenuena.
Gogoan dut, halaber, campuseko bidexketan aparkatzen genuela, eta autoa gaizki aparkatuta uzten bazenuen pegatina bat jartzen zizutela haizetakoaren erdian, kostata kentzen zena. Metroa heltzea liberazioa izan zen alde horretatik.
Project Navigation
Olga Fernández
Ikasketak Informatika Bizilekua España
Ibilbide horretan eragin erabakigarria izan zuen Deustuko Unibertsitatetik pasatzeak. Han eman zituen bizitzako bost urte bikain – Manchesterreko egonaldia barne, Erasmus programaren barruan –, eta horrek gerora izango zuen ibilbidea markatu zuen.
Informatikako lizentziaturak lanbideko karrera Alemanian hastea ahalbidetu zion. Han garatzaile lan egiten zuen ordenagailuz lagundutako diseinuko software-enpresa batean. Urtebete igaro ondoren, Madrilera joan zen, TI+Gko lan-eskaintza onartuta, datu baseen administratzaile gisa, eta beste urte baten ondoren, multinazional amerikarrera eta zerbitzuetara jauzi egin zuen, eta Sun Microsystems-en parte izatera pasatu zen; ondoren, BEA Systems eta Oracle etorriko ziren. Ordutik hona, ia 25 urtez, bizitza profesionala bezeroei zerbitzua ematen pasatu du, rol askotan: euskarri teknikoko ingeniari, proiektuen zuzendari, kontuen kudeatzaile… gaur egun arte. Oracle Espainia eta Portugalerako Euskarriko Merkataritza Saileko buru da, Oracle Españako Zuzendaritza Batzordeko kide eta OWL (Oracle Women Leadership) komunitatearen buru, emakumeen garapena, ikusgarritasuna eta ahalduntzea sustatzeko eta ReinventaTech bezalako programa disruptiboak abian jartzen dituena, emakume langabeei mundu teknologikoan bigarren lan aukera bat emateko.
Zuzendari gisa, egunero hazten eta bere indarguneak osatzen laguntzen dion taldekidez inguratuta egotea du gogoko. Lana biziki maite du, bezeroari zuzendutako zerbitzuan sinesten du eta bezeroei beren negozio kritikoenetan laguntzea du goiburu.