Deustun ibili zineneko pasadizoak eta Unibertsitateko oroipenak
Programazioko praktikak lehenengo mailan, ostiral arratsaldeetan makinan “azterketa” zela. Hori da oroitzapen berdurgarrienetarikoa. Hala ere, unibertsitateko oroitzapen onak ditut. Gainera, Erasmusean Milanera joateko aukera izan nuen. Han, italiera ikasteaz gain, gaur egun nire proiektuetan bazkide diren irakasle batzuk ezagutu nituen.
Milango Politeknikoan Informatikako Ingeniaritza ikasten ari zen neska kopuru eskasak harritu ninduen. Kurtso batzuetan, neska bakarra nintzen eta hori ez zen Deustun gertatzen.
Unibertsitateko urteetan, Guggenheim ari ziren eraikitzen. Egunero pasatzen nintzen aurretik eta deigarria gertatzen zitzaidan egitura eta eraikitzeko modua, erabat berritzailea bilbotarrentzat.
Project Navigation
Leire Orue-Echevarria
Ikasketak Informatikako Ingeniaritza Bizilekua España
Karrera amaitutakoan, bekadun egon nintzen Deustuko Unibertsitateko Softwarearen Ingeniaritzako Sailean hilabete batzuetan. Gero Labeinen lan egin nuen Zentro Teknologikoen Fundazioko beka batekin. Multi-agenteen trebakuntza sistema batean lan egiteko aukera izan nuen, adimen artifiziala erabiliz.
Labeinen bi urte eman ondoren, softwarea testatzeko enpresa aleman-espainiar batean lan egin nuen (SQS). Zenbait proiektu egin nituen Alemanian eta Austrian. 9 eta 8 hilabete eman nituen, hurrenez hurren, herrialde haietan. Sistema kritikoak egiaztatze eta balidatzearekin lotuta zeuden nire egitekoak. I + G saileko arduradun ere izan nintzen. Softwarearen aplikazioen bizi-zikloa hobetzearekin lotutako proposamenak eta proiektuak exekutatzen aritu nintzen, batez ere.
Lau urte geroago (2004an), Bilbomátican hasi nintzen lanean eta Europar Batasunerako proiektuen arduraduna izan nintzen. Batzordeak web orriak kudeatzeko erabiltzen zituen edukien kudeatzaileen garapena zuzendu nuen.
2008an, European Sofware Institute erakundean hasi nintzen; 2011n TECNALIArekin fusionatu zen erakundea. Orain TECNALIAn ikerketa proiektuak koordinatzen ditut, batez ere europarrak, cloud computing-aren esparruan eta sektore publikoan. Europako Batzorderako proiektuak aztertu eta ebaluatzen ditut. Gainera, bigarren doktoregoko tesia idazten hasi berri naiz.
Informazioa
-
Arloa : Informatikako Ingeniaritza
-
Promozioa : 1998
-
Nire lantokia : TECNALIA (Fundación TECNALIA Research & Innovation)