Laura Arnejo

Deustun ibili zineneko pasadizoak eta Unibertsitateko oroipenak

Gogoan dut Sareetako irakaslearekin (Areitio) izan genuen “eztabaida” atsegina, ariketa bat ematean, abizenez dei egin zidan (Arnejo), izenez egin beharrean, bi abizenak erabili nituelako paperean, bat erabili beharrean (atzerrian bat baino ez omen dugu erabili behar). Horretatik eztabaida labur baina interesgarri bat sortu zen, emakumeak gizartean duen presentziaz eta nik zergatik ez nuen horretan parte hartuko. Une horretatik aurrera, ez zion axola izan nire bi abizenak erabiltzea.

Oso gogoan ditut ikaskideok liburutegian ematen genituen orduak, apunteak elkarri pasatzen eta ariketak batek besteari azaltzen. Maitasun handiz gogoratzen ditut estatistikako klaseak Simeónekin, robotikako praktiketako klaseetako barreak, zirkuituak ateratzen ez zitzaizkigunean, karrera amaierako proiektua, eta irakasleek gurekin gozatzen zituzten une haiek guztiak ere bai, haiekin hain erraza ez bazen ere.

Project Navigation

Laura Arnejo

Ikasketak Industria Antolaketako Ing. Bizilekua Suiza

Karrerako azken urtean, Liechtenstein/Suitza multinazionalean kontratatu zuten. 2 urte eman zituen bertan lanean, IS Finance-ko Project Manager lanean. Han izan zuen laneko lehenengo esperientzia. Kultura talka handia izan zen Espainian lanaz entzuna zuenaz konparatuta, ez bakarrik hizkuntzagatik (suitzar – alemana), baita izaera eta estrategia korporatiboagatik ere. Hala eta guztiz ere, oso zoriontsu izan zen, asko ikasi zuen eta pertsona eta profesional moduan heldu egin zen.

Ondoren, beste abentura baten bila joatea erabaki zuen, lan dinamikoago eta gazteago baten bila. Horrela bada, Suitzako alde frankofonora joan zen, baldintza horiek betetzen zituen metal preziatuen enpresa batera. Lan baldintzak oso onak baziren ere, handik denbora gutxira ikusi zuen enpresako giroa ez zetorrela bat bere itxaropenekin eta une horretan, hain zuzen ere, Nestlé Nespresso-rentzat lan egiteko aukera atera zitzaion eta, zalantzarik izpirik gabe, hartu egin zuen.

Informazioa

  • Arloa : Industria Antolaketako Ing.
  • Promozioa : 2011
  • Nire lantokia : Nestlé Nespresso